Die Kaddis

Die Kaddis

[kaddis is ‘n antieke israelse gebed gebruik in die sinagoge. Oorspong: qaddish = heiligmaking in Aramees]

Gebed is nie altyd maklik nie. Soms sukkel ons om te bid – ons weet nie altyd wat om te sê nie. Richard Foster sê dat gebed is the cenral avenue God uses to transform us. Maar vir ons is gebed soms eerder ‘n bron van frustrasie as bemoeding. Roetine gebede is dikwels droog en vervelig.

Gebed is in wese liefdevolle kommunikasie met God. Al wat ons nodig het is ‘n oop hart. Maar tog is daar tye wat ons sukkel om te bid. Ons troos is dat dit juis die dissipels se stryd met gebed was wat aanleiding tot die Ons Vader-gebed was.

Wat was die kaddis?

MAG SY Naam verhoog en geheilig word in die wêreld wat Hy volgens sy wil geskep het. Mag Hy sy koninkryk vestig tydens jou lewe, en gedurende die lewe van die Huis van israel, spoedig en in die naby toekoms

En sê Amen.

Hierdie gebed het duidelike ooreenkomste met die Ons-Vader-gebed. Jesus maak dit sy eie en pas dit aan. Toe sy dissipels Hom vra: Here leer ons bid, neem Hy die Kaddis en pas dit aan:

 

Die Kaddis Die Ons Vader-gebed:

MAG SY Naam verhoog en geheilig word in die wêreld wat Hy volgens sy wil geskep het.

Mag Hy sy koninkryk vestig tydens jou lewe, en gedurende die lewe van die Huis van israel, spoedig en in die naby toekoms

En sê Amen.

 

 Ons Vader

Laat u Naam geheilig word – nie ook verhoog nie.

Laat u koninkryk kom – nie spoedig nie

Brood

Vergifnis

versoeking

Geen Amen nie

 

Hier sien ons drie basiese veranderinge:

  1. Jesus se gebed begin met Ons Vader
  2. Jesus voeg drie lyne by brood, vergifnis en versoeking.
  3. In hierdie drie lyne verskuif die voorwerp van U na ons. Die Ons vader-gebed het twee dele: die U versoeke en die ons versoeke.

Daar is tog sekere voordele in ‘n liturgiese gebed:

  • Dit geen vir ons ‘n raamwerk vir gebed
  • Dit gee aan ons ‘n strukturele gesprek met God.
  • Dit herinner Jesus se volgelinge aan sy prioriteite. Jesus besef dat sy gebed sal verhoed dat hulle verval in selfgesentreerde gebede.

Hoekom verander Jesus ‘n heilige gebed? Onthou Hy het die Sjema verander deur liefde vir die naaste by te voeg. Die Ons Vader gebed het ook twee dele liefde vir God en liefde vir ander.