God is die Eienaar van ons verlossing (1)
The central miracle of the gospel is not the raising of Lazarus or the multiplication of the loaves or all the dramatic healing stories taken together. The miracle of the gospel in Christ, risen and glorified, who this very moment tracks us, pursues us, abides in us, and offers Himself to us as compannion for the journey – Brennan Manning
God is die Eienaar van ons verlossing (1)
Die verlossing kom van ons God wat op die troon sit en van die Lam (Openbaring 7:10).
Verlossing, soos alles in die heelal, behoort aan God. Wat van die mens? Die mens is die een wat verlos moet word.
Hier is drie aspekte waarna ons gaan kyk.
- In ons verlossing staan God sentraal – Hy is die middelpunt.
As die Bybel van verlossing praat, is God die sleutel, die middelpunt, die hoofakteur. As God die Eienaar van verlossing is, is verlossing nooit as gevolg van die inisiatief of prestasies van die mens nie – dit is nie iets wat ons kan doen of verdien nie. Ons beheer nie verlossing nie; ons besluit nie wie verlos word en wie nie; as God iemand verlos het, kan ons dit nie wegneem nie. Volgens die Bybel word verlossing:
- Deur God se genade geïnisieer;
- In God se krag gedoen;
- Op God se voorwaardes aangebied;
- Deur God se Seun verkry;
- Deur God se beloftes verseker; en
- Deur God se oppermag gewaarborg.
Ons kan nie God manipuleer om ons te verlos nie. Al wat ons kan doen is om daarvoor te vra en dit van God te aanvaar. Godsdienste is ook nie die antwoord op ons diepste probleme nie.
- God is die Bron van ons verlossing.
Mense is soms betrokke by die proses waardeur mense verlos word. Maar die bron om te verlos is steeds by God. Kyk maar na die verhaal van Dawid en Goliat. Dawid was die menslike agent van Israel se verlossing, maar hy het goed besef wie die ware Verlosser was: Dan sal hierdie hele skare besef dat die Here nie deur swaard of spies verlos nie, maar dat die oorlog aan die Here behoort en dat Hy julle in ons mag oorgee (1 Samuel 17:47).
In die volgende blog kyk ons na die derde aspek van God, die Eienaar van ons verlossing: Net God kan verlos.