Hoe kry ek leiding van God as ek besluite moet neem?
Hoe kry ek leiding van God as ek besluite moet neem?
| The Christian life is not the common sense life – john Eldredge As ons werklik besig is, sê ons maklik nee vir geleenthede om ons te geniet en te ontspan. Maar juis as ons baie besig is, het ons sulke geleenthede nodig om ons van ons besig wees te red. As die lewe ons wil oorweldig is die eerste ding wat ons doen, om van die vrag oorboord te gooi sodat ons nie verdrink nie. Die probleem is dat ons maklik die verkeerde dinge oorboord kan gooi. Ons gooi ons vreugde oorboord en hou daardie dinge waat ons oorweldig. As ons duidelikheid by God soek en dit nie kry nie, moet ons eerstens na ons gesindheid kyk. Wat voel ons? Wat is ons begeertes? Daar waar ons is, beïnvloed ons vermoë om God te hoor. Hoeveel kosbare dinge laat ons net gaan, want ons lewens is te besig. Dit is net moeite om daarvoor te veg of ons aanvaar ons weet wat is die beste of wat is onvermydelik. Ons vra nie eers vir God nie.
Ons moet stop en vra. God mag net dink dit is nie onvermydelik om dit maar net te los nie. Ons probeer vasstel wat die regte ding is. Dit is nie dieselfde as om saam met God te loop. Ons sien nie alles wat God sien nie: My gedagtes is nie julle gedagtes nie en julle optrede nie soos Myne nie, sê die Here (Jesaja 55:8).
Die Here weet wat vir ons voorlê; Hy weet wat ons nodig het. Vra vir Hom. As die antwoord nie duidelik is nie, skryf jou vrae neer. Plaas dan die vraag voor God en bid. Luister spesifiek na een saak op ‘n slag sonder dat al die ander sake my denke verwar Ons probeer nie ‘n antwoord uitwerk nie – ons luister na God.
Let op jou reaksie as jy dink jy hoor God se antwoord: Vreugde. As dit vrees of hartseer of teleeustelling produseer, gaan staan doodstil en vra: Waarom? |