Jou Geneesheer ken jou pyn
Jou Geneesheer ken jou pyn
15 Februarie 1921. In die Kane Summit Hospitaal in New York is ‘n geneeheer besig met ‘n blindederm-operasie. Die pasiënt het van erge buikpyn gekla. Die diagnose was duidelik; ‘n ontsteking van die blindederm. Dr Evan O’Niell Kane was die chirurg. Hy het reeds amper 4 000 blindederms verwyder.
Die operasie is uitsonderlik vir twee redes:
- Die gebruik van plaaslike in plaas van algemene narkose. Dr Kane is ‘n kruisvaarder teen algemene narkose. Hy glo dat plaaslike verdowing veiliger is. Baie kollegas stem in beginsel met hom saam, maar hulle sal eers in die praktyk met hom saamstem as hulle sien dat dit gedoen word. Uiteindelik het hy ‘n vrywilliger.
Die pasiënt word voorberei; die plaaslike verdowing word toegedien; die snit word gemaak en die blindederm word verwyder. Tydens die operasie kla die pasiënt van ongemak. Hiermee bewys dr Kane dat plaaslike verdowing ‘n moontlike, selfs verkieslike, alternatief is.
- Die operasie was uniek, want plaaslike verdowing in plaas van algemene narkose is gebruik. Nog iets was uniek aan die operasie – die pasiënt. Die pasiënt was Dr Kane self. Hy kon nie ‘n vrywilliger oorreed om die operasie onder plaaslike verdowing te laat doen nie.
Hierdie verhaal van die dokter wat sy eie pasiënt was is maar gering in vergelyking met God wat mens geword het. Maar Jesus het dit gedoen, sodat ons kan glo dat die Gneesheer ons pyne ken. Hy het Homself in ons posisie geplaas. Hy het ons pyne ondervind en ons vrese gevoel. Verwerping? Hy het dit gevoel. Versoeking? Hy het dit geken. Eensaamheid? HY het dit ondervind. Die dood? Hy het dit geproe. Spanning? Hy weet wat dit is.
Hoekom het Hy dit gedeon? Sodat wanneer jy seerkry jy na Hom toe sal gaan en Hom sal toelaat om jou te genees. Hy is jou Vader en Geneesheer