Kyk terug na die verlede

Success is peace of mind which is a direct result of self-satisfaction in knowing you did your best to become the best you are capable of becoming – John R. Wooden

Kyk terug na die verlede

Dit is belangrik om terug te kyk na die geskiedenis van die kerk. Daar is baie redes daarvoor. Een daarvan is om die kerk te beskerm teen individualisme wat vandag so algemeen onder Christene voorkom. Baie faktore – ‘n verbruikersmentaliteit, die aandrang op individuele regte, die klem op persoonlike outonomie, die gevoel dat ons op sekere dinge geregtig is – skep ‘n atmosfeer waarbinne baie Christene hulle leer kies en keur net soos hulle doen met hulle kos en klere.

As hulle ongemaklik voel oor die oppermag van God of ontsteld is oor die idee van God se toorn of die hel, verwerp hulle dit. As hulle wêreldse lewenstyl deur die eise van heiligmaking gekonfronteer word, word hierdie leer eenvoudig as minder belangrik beskou.

Die geskiedenis kan hierdie situasie regstel. Ons word daaraan herinner dat ons geloof ‘n korporatiewe geloof is wat nog altyd God se oppermag, sy toorn, heiligheid en die gesag van die Bybel beklemtoon het. Hierdie ryk erfenis beskerm ons teen die neiging om te kies en te keur wat ons aanvaar en wat ons verwerp.