LEER JY GRAAG?

LEER JY GRAAG?

Hierdie is ‘’n eienskap wat op elke lewensterrein van waarde is. Mense wat graag leer hoef nie die slimste te wees om te slaag nie. Hulle wil in elke situasie leer. Miskien kan ons baie leer in Spreuke.

  1. Wees nederig

Moenie dink jy het die wysheid in pag nie, dien die Here en vermy wat sleg is.: dit is die geneesmiddel vir jou, die verkwikking vir jou liggaam (Spreuke 3:7 – 8).

Jy sien self: vir iemand wat dink hy het die wysheid in pag, is daar minder hoop as vir ‘’n dwaas (Spreuke 26;12).

Nederigheid Is die beginpunt vir leergierigheid, want leergierige mense besef dat hulle ‘’n behoefte het om te leer. Trotse mense dink hulle weet meer as ander en daarom hoef hulle nie te leer nie.

Die nederige mens:

  • Is bewus van sy swakhede;
  • Is bewus van sy blinde kolle;
  • Praat stadig, maar luister gou (Jakobus 1:190;
  • Erken sy foute;
  • Ag die ander hoër as homself; en
  • Vra terugvoer al word dit nie aangebied nie.

 Volgens Spreuke 3:7 – 8 lei nederigheid en vrees vir die Here tot genesing en verfrissing. Christene streef na nederigheid in hulle hele lewe: Selfverheffing bring vernedering; wie nederig is, het wysheid (Spreuke 11;2)

 

  1. Soek aktief wysheid en insig asof jou lewe daarvan afhang

Die wysheid kom eerste. Sorg dat jy wysheid bekom, gee alles wat jy het om insig te bekom. Slaan dit hoog aan, dan sal dit jou aansien gee. Dit sal jou ‘’n man van betekenis maak, as jy dit vasgryp. Dit sal jou lewe versier, dit sal vir jou ‘’n sierlike kroon wees (Spreuke 4:7 – 9).

Miskien is jy een van daardie mense wat dringend raad soek as ‘’n krisis dreig, maar nie wysheid nastreef as alles goed gaan nie. Die Bybel noem so iemand ‘’n dwaas.

Wysheid kom nie per toeval nie. Jy moet dit najaag as jy wil groei. Dit beteken jy moet tyd maak om oor jou lewe en verhoudings na te dink deur die lens van die Skrif. Boeke lees en luister na wyse leermeesters. Jy moet nee sê vir dinge wat jou najaag van wysheid belemmer.

Die lewe is ingewikkeld en die vyand mislei ons. Sonder ‘’n gedissiplineerde najaag van wysheid ei insig mag ons val vir leuens en korpad oplossings vir ons probleme. Dié wat wysheid najaag:

  • Kyk doelgerig vir mentors, boeke, kursusse om te groei.
  • Memoriseer Bybelverse en dink na oor hulle;
  • Vra vrae van ander vir meer duidelikheid en verstaan;
  • Vra ander vir hulp, indien nodig;
  • Groei in kritiese denke ’n besef dat die gemaklike antwoord duur mag wees; en
  • Organiseer notas van wat hulle geleer het vir toekomstige verwysing.

Hou vas aan wat ek jou leer, moet dit nie laat los nie; bly  daarbý, want dit is jou lewe (Spreuke 4:13).

 

 

  1. Leer van die regte leermeesters

WIe met  wyse mense omgaan, kry self wysheid;  wie hom met dwase ophou, word self sleg (Spreuke 13:20). Daar is baie dwase met gladde monde

..DIe regverdige laat sy pad vir hom wys deur ‘’n vriend; die goddeloses verdwaal op die pad wat hulleself kies (Spreuke 12;26).

Sonder oorwoë leiding val ‘’n volk; die redding lê in baie raadgewers (Spreuke11;14).

Die Skrif is altyd ‘’n goeie leermeester. Bid dat God jou na wyse mense sal lei sodat jy van hulle kan leer.

 

  1. Sien regstelling as ‘’n seën

WIe op ‘’n teregwysing ag slaan, sal lewe en ‘’n tuiste vind tussen mense wat wysheid het (Spreuke 15:31)

 

Wie onderrig ignoreer, gee nie om vir homself nie; wie op teregwysing ag slaan, kry insig (15:32)“

Ons natuurlike reaksie op teregwysing is om onsself te verdedig. Ons moet teregwysing verwelkom en daarúít leer. God dissiplineer diegene wat Hy lief het (Hebreërs 12;7 – 11), Hy gebruik dikwels ander mense as instrumente om sy kinders tereg te wys en te help om te groei Sy Vaderlike teregwysing is vir sy kinders

 “