Miga

Miga

Hierdie week gaan ek ‘n paar blogs aan Miga spandeer (Rigters 17 en 18). Ek maak onder andere van Tim Keller se kommentaar :Judges for you (God’s word for you), gebruik.

In Rigters 17 lees ons van Miga. Daar word 13 kg silwer van sy ma gesteel; sy ma vervloek die dief en Miga hoor dit. Hy bieg dat hy die silwer gesteel het en gee dit terug. Sy sê: Ek wy die silwer in belang van my seun aan die Here. Jy moet daarvan ‘n afgodsbeeld maak. Ek gee dit aan jou terug my seun. Sy neem toe 2 en ‘n half kilogram en gee dit aan die silwersmid om ‘n afgodsbeeld van te maak.

Miga se ma wys haar dankbaarheid teenoor die Here deur die tweede gebod te oortree – sy maak vir Hom ‘n afgodsbeeld. Maar sy is ook oneerlik. Sy sê: ek wy die silwer in belang van my seun aan die Here. Sy gee net ‘n deeltjie van die silwer aan Hom sy plaas nie werklik die Here eerste nie. Sy gee ook nie vir Hom oppermag oor elke deel van haar lewe nie. Sy gee van haar rykdom,aan die Here, maar hou die meerderheid terug.Sy gebruik baie God-taal. Dit is maklik om dit te doen en te sê dat God jou Here is en ons gehoorsaam Hom net in sekere sektore van onss lewens. In ander gebiede leef ons net soos ons wil. Soms gehoorsaam ons Hom net gedeeltelik. Ons hou van ons geld of tyd of emosies of verhoudings terug as ‘’n versekeringspolis ingeval God nie reageer soos ons wil hê dat Hy moet nie.

Soms is dit  valsheid meer tipies is dat ons nie die implikasies van die evangelie vir elke deel van ons lewe deurdink nie. In Galasiërs 2;14 konfronteer Paulus vir Petrud: jy is ‘n Jood en jy hou jou nie meer by die Joodse gebruike nie. As jy self leef asof jy nie ‘n Jood is nie hoe kan jy dan mense wat nooit Jode was nie,  wil dwing om te lewe asof hulle Jode is.

Baie Christene is onchristelik in die manier waarop hulle hulle werkslewe hanteer of hulle is net so genadeloos in besigheid. Dit is maklik om ons hele lewens Sondae aan God te wy, maar dan gee ons net ons Sondae aan Hom.