www.bybelkennis.co.za Blog
ʼn Ete saam met God (die Nagmaal)
Die aand voor Jesus gekruisig is, het Hy ʼn laaste maal saam met sy dissipels geëet. Hy het hulle toe gevra om as Hy weg is, gereeld saam te eet en dan aan Hom te dink. Hy het brood gevat en dit gebreek en gesê hulle moet die brood eet; dit is soos sy liggaam wat natuurlik vir hulle aan die kruis gebreek is. Hy het toe wyn gevat en gesê hulle moet dit drink; dit is soos sy bloed wat gevloei het om op die manier vir hulle vrede met God te maak. So moet hulle dus gedurig aan Hom en wat Hy vir hulle gedoen het, bly dink.
Daar is net een God (Monoteïsme)
Monoteïsme is ʼn woord wat afgelei is van die Griekse woorde, mono (wat “een” beteken) en teïsme (wat “God” beteken). Dit is dus die naam wat vir godsdienste gegee word wat aan net een God glo. Die Christendom is byvoorbeeld een so ʼn godsdiens. Ons glo daar is net een God en dit is die God wat alles gemaak het.
Iemand wat namens ons ons saak by God behartig (Middelaar)
Dinge kan so verkeerd loop tussen mense dat hulle niks meer met mekaar te doen wil hê nie. Hulle wil mekaar nie sien nie, nie met mekaar praat nie. Inteendeel, as hulle bymekaar kom, spat die vonke. Op hulle eie sal hulle nooit weer kan vrede maak nie. Iemand sal hulle moet kom help. Die persoon sal tussen (in die middel van = middelaar) die twee partye moet kom staan en boodskappe heen en weer dra om te kyk of hy die probleem kan oplos.
Maagdelike geboorte
Maria het as jong meisie ʼn besoek van ʼn engel van die Here gehad wat aan haar gesê het dat sy ʼn seuntjie, Jesus, gaan hê.
