Tagged: Alle Paaie lei na Jesus
Alle Paaie lei na Jesus: Die Verhouding Ou Testament-Nuwe Testament – Adrio König
3.9 Die verhouding Ou Testament-Nuwe Testament
Ons kry hier ’n belangrike insig in die verhouding tussen die Ou Testament en die Nuwe. Ons weet dat daar nie net een formule is om hierdie verhouding te beskryf nie, omdat dit ’n ingewikkelde verhouding met baie kante is (hoofstuk 6). Daar is in die verlede baie pogings aangewend om een enkele omskrywing te gebruik soos belofte-vervulling, wet-evangelie, of ’n roosknop-die volle roos (Augustinus). Maar nie een van hierdie formules kan die volle lading dek nie.
Alle Paaie lei na Jesus: Verskillende houdings teenoor die wet – Adrio König
3.8 Verskillende houdings teenoor die wet
Wat kry ons nou as ons terugkyk? Onder Jesus en die gelowiges het ons vier verskillende reaksies op die wet gekry. Mense wat graag van die evangelie ’n bespotting wil maak, sal maklik na hierdie verskille kyk en beweer dat daar onversoenbare houdings onder die vroeë Christene was.
Alle Paaie lei na Jesus: Die wet en Hebreërs (2) – Adrio König
3.7.2 Die afskaffing van die hele tempelkultus
Maar in die hoofdeel van die Brief wat nou volg (hoofstuk 8-10), word alles net eenvoudig nog erger. In fyn besonderhede word die onvermoë van die wet uitgespel in terme van die tempel, die priesters en die offers. Dit bring mee ’n volkome negatiewe beoordeling van die totale struktuur van die hele tempeldiens, die diens wat die hart van die Ou-Testamentiese godsdiens was.
Alle Paaie lei na Jesus: Die wet en Hebreërs (1 – Adrio König
3.7 Die wet in Hebreërs
Die probleme rondom die wet is baie ernstiger in Hebreërs as wat dit in Paulus se Briewe is. In Paulus se situasie wil sommige Joodse gelowiges die wet by Christus byvoeg asof Christus nie genoeg is nie. Maar in Hebreërs is die gevaar dat Christus vervang word deur die wet, dat Christen-Jode Christus los en terugval op die wet alléén (2:1-3; 3:6, 12-14; 10:32-39). Die “wet’ moet hier verstaan word as die Ou Testament in die algemeen, maar uiteindelik veral die tempel-priester-offerdiens van die Ou Testament. Ons praat van die tempelkultus.
