Tagged: Alle Paaie lei na Jesus
Alle Paaie lei na Jesus: God Drie-enig in die Ou Testament (4) – Adrio König
10.4.4 Jesus in die Ou Testament?
Net soos in verband met die Heilige Gees, word daar ook ’n sterk argument ontwikkel om aan te toon dat daar alreeds van Jesus as ’n aparte Persoon in die Ou Testament gepraat word. Daar is selfs ’n boekie op my rak met die titel: Jesus op elke bladsy van die Ou Testament. Een van die sterk argumente is dan dat die engel van die Here eintlik Jesus is in sy Ou-Testamentiese vorm.
Alle Paaie lei na Jesus: God Drie-enig in die Ou Testament (3) – Adrio König
10.4.3 Die “Ons” in Genesis 1:26
Daar is twee ander verwysings wat soms gebruik word. Die een is die “Ons” van Genesis 1:26. Indien hierdie “Ons” na die Drieeenheid verwys, sou ons natuurlik hier wel getuienis hê dat ons alreeds in die Ou Testament lees van ’n meervoudigheid van God. Vroeër was dit ’n taamlik algemene oortuiging dat die “Ons” inderdaad na die Drie-eenheid verwys. ’n Ander beskouing was dat God met engele in beraad gegaan het, en ’n derde dat dit ’n hoogheidsmeervoud is.
Alle Paaie lei na Jesus: God Drie-enig in die Ou Testament (2) – Adrio König
10.4.2 Die “Gees” in Genesis 1:2
In Genesis 1:2 lees ons in die 1983-vertaling: “maar die Gees van God het oor die waters gesweef”. Ons kon hierdie teks ook behandel het in die hoofstuk oor die skepping (hoofstuk 4.13). Ons doen dit egter liewer hier juis omdat dit gesien word as duidelike getuienis dat die Gees alreeds as ’n aparte, selfstandige Persoon in die Ou Testament optree. Daarom kyk ons nou hier daarna.
Alle Paaie lei na Jesus: God Drie-enig in die Ou Testament (1) – Adrio König
10.4 God Drie-enig alreeds in die Ou Testament?
Ons moet netjies onderskei oor dit waaroor dit hier gaan. Daar is geen twyfel dat ons as Christene in die lig van die Nuwe Testament terugkyk en dan die drie-enige God in talle plekke in die Ou Testament raaksien nie. Ons het so pas in hoofstuk 9.3 gesien hoedat Paulus Jesus direk verbind met die uittog (die Paaslam, die rots). Natuurlik het ons sterk getuienis dat Hy saam met die Vader die Skepper van alles is (Joh 1:1-3; Kol 1:16). Ons sou hier ’n lang lys kon maak van nog talle voorbeelde.
