Praat jy hulle taal?

“To be a Christian means to forgive the inexcusable because God has forgiven the inexcusable in you.” – C. S. Lewis

Praat jy hulle taal?

Digitale “natives” is diegene wat gebore is in ‘n tyd waarin hulle al die nuwe tegnologië as vanselfsprekend aanvaar. Kyk maar net hoe jou kinders – en veral jou kleinkinders – hierdie tegnologië hanteer.

Sosiale media is besig om die manier waarop ons onsself in die wêreld sien, te verander.  Ons leef in ‘n wêreld waarin enigeen – selfs jong kinders – die geleentheid het om tot globale gesprekke by te dra. Dit sluit belangrike sake in. Die pratery word nie meer tot die kundiges beperk nie. Ons leef in ‘n tyd waar ons toegang het tot meer inligting as ooit vantevore – ons kan nie alles verwerk nie.

Almal het ‘n stem en impak; almal het die geleentheid om by te dra en deel te neem. Ons sit nie meer passief en laat toe dat mense vir ons vertel wat om te dink nie. Besef ons altyd wat die impak van hierdie veranderings op die kerk het? Kan die huidige passiewe model van sit en luister na een persoon nog volhoubaar wees te midde van hierdie kultuurskuif?