There is no pride so dangerous, none so subtle and insidious, as the pride of holiness. —Andrew Murray

Dissipels maak dissipels

Ek gaan heelwat blogs oor dissipelskap skryf. Ek gaan onder andere van Francis Chan se boek Multiply gebruik maak.

Kom saam met My, en Ek sal julle vissers van mense maak (Matteus 4:19)

Vanaf die begin was dit die metode: maak dissipels  en dissipels van Jesus maak meer dissipels. Hierdie is ‘n belofte: Jesus sal sy dissipels neem en hulle in dissipelmakers verander. Eintlik is dit ‘n opdrag: Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en leer hulle om alles te onderhou wat Ek jou beveel het (Matteus 28:19 – 20). Dit was God se plan oor hoe om die evangelie te versprei; dit is waarvoor die kerk bekend behoort te wees.

Is dit so? We have developed a culture where a minister ministers and the rest of us sit back and enjoy “church” from a comfortable distance. Dit was nie God se bedoeling vir sy kerk nie. Elke Christen is geroep om deel van ‘n bediening te wees – ons is geroep om dissipels te maak. 

Maar vra vir Christene vandag wat dit beteken om dissipels te maak en jy sal vae antwoorde kry – party sal jou net aanstaar. Ons is aktief vir Christus, die kerk het baie hulpbronne, maar dit lyk asof ons hierdie opdrag van Jesus ignoreer. Evangelisasie is ‘n onderwerp wat ons bedreig; ons reduseer dissipelskap tot ‘n program wat ons iewers gekry het; ons delegeer die taak om dissipels te maak tot die betaalde amptenare.

Dit is nie hoe dit veronderstel is om te wees nie. Jesus het elkeen van ons uitgenooi om deel van sy plan te wees – Hy het ons so ontwerp dat ons weet wat Hom bly maak; ons deel sy liefde; ons versprei sy woord; ons vermenigvuldig sy lewe onder al die mense van die aarde. Dit is die moeite werd vir die biljoene mense wat nie die genade en majesteit van God in Christus ken nie.

Hoe is dit dan veronderstel om te wees?

• Leer oor dissipelskap in die Bybel en in boeke, maar dan moet jy ander leer.
• Moenie net inligting deel nie – deel ook jou lewe. Ware dissipelskap vereis diep verhoudings. Jesus het nie ‘n weeklikse Bybelstudie gelei nie. Hy het saam met sy dissipels geleef en hulle deur sy woorde, maar ook sy optrede geleer. Dit vereis uiteraard ‘n groter toewyding, maar dit is die enigste manier om dissipels te maak.

God wil hê dat ons moet leef, dien en die waarheid prosesseer in die konteks van ‘n gemeenskap. Jy gaan voor baie uitdagings te staan kom, maar om saam met ander mense te werk om uit te sorteer  wat die Bybel sê, is waardevol. Maar die doel is nooit kennis net vir die onthalwe van kennis nie. Om ‘n dissipel te wees, beteken ons word meer en meer na sy beeld verander.

Volgende keer kyk ons na die vraag: Wat is ‘n dissipel?

To follow the Law makes you observant. To follow Jesus makes you a servant – Leonard Sweet en Frank Viola

Wat is die kerk?  Maak dissipels (4)

Ek gaan baie gebruik maak van Andy Stanley se boek: Deep and Wide: Creating Churches Unchurched People Love to Attend (2012).

Katalis #4: Verhoudings

As mense van hulle geloof praat, praat hulle altyd van mense wat God op hulle pad geplaas het. Hierdie mense is oortuig dat God hulle daar geplaas het op daardie spesifieke oomblik. Op elke kritieke kruispad op ons geloofspad is daar mense wie se paaie met ons s’n kruis.

Ons praat dan dikwels van God se voorsiening. Wat maak so ‘n verhouding voorsiening?

• As ek van God deur iemand hoor; en
• As ek God in iemand sien.

Natuurlik kan ons nie sulke ontmoetings/verhoudings organiseer nie. Wat die kerk wel kan doen, is om ‘n omgewing te skep waarbinne die ontwikkeling van sulke verhoudings bevorder word. Kleingroepe is een voorbeeld hiervan, maar dan moet ons nie kort-kort die groepie verander nie.

Laat ons dan na mekaar omsien deur mekaar aan te spoor tot liefde en goeie dade. Ons moenie van die samekomste van die gemeente as wegbly soos party se gewoonte is nie, maar mekaar eerder aanmoedig om daarheen te gaan, en dit des te meer namate julle die oordeelsdag sien nader kom (Hebreërs 10:24 – 25). Moenie sommer aanvaar sulke verhoudings gaan gebeur nie – fasiliteer dit.

Katalis #5: Sleutelomstandighede

Soms is hierdie omstandighede goed; dikwels gaan hierdie omstandighede met pyn en teleurstelling gepaard. Die gevolge van hierdie omstandighede is soms positief – my geloof versterk – maar soms is dit negatief – ek verloor my geloof. Weereens is dit nie iets wat ons nie kan beplan nie – ons kan dit nie skeduleer nie. Daar is een waarheid om te onthou: dit is nie die gebeurtenis wat my geloof versterk of laat wankel het nie … dit is my interpretasie van die gebeurtenis. Dit is die gevolgtrekkings wat ons midde in die omstandighede maak, wat die uitkoms bepaal.

Watter faktore bepaal hoe ek gebeure en omstandighede interpreteer? Twee faktore is belangrik:

• My wêreldsiening. God openbaar sy mag dikwels as die mens swak is. As ek glo dat God net goeie dinge laat gebeur, is ek in die moeilikheid.
• Saam met wie ek my lewe deel. Het ek toegang tot vriende, familie, mentors, leermeesters. Twee vaar beter as een. Hulle inspanning kom tot iets. As die een val,kan die ander hom ophelp. Maar as een val wat alleen is, is daar niemand om hom op te help nie (Prediker 4:9 – 10).

Die soeke na geestelike volwassenheid is ‘n lewenslange onderneming. Daarom moet my benadering tot geestelike vorming dinamies genoeg wees om my deur al die lewensfases te dra.

Hiermee sluit ons hierdie reeks uit Andy Stanley se book Deep & Wide af.

It was God’s word that made us; is it any wonder that his word should sustain us? —C.H. Spurgeon

Wat is die kerk?  Maak dissipels (3)

Ek gaan baie gebruik maak van Andy Stanley se boek: Deep and Wide: Creating Churches Unchurched People Love to Attend (2012).

Ons is besig om na die vyf geloofskataliste te kyk.

Katalis #2: Privaat dissiplines

Iewers moet Christene begin bid, die Bybel bestudeer en teksverse memoriseer. Persoonlike geestelike dissiplines lei tot ‘n gevoel van intimiteit en aanspreeklikheid in ons geloofslewe. Dit stel ons harte op God in. As God met ons deur sy Woord praat of ‘n spesifieke gebed van ons antwoord, word ons geloof versterk en ons vertroue in God groei. Ons kan nog ander geestelike dissiplines byvoeg soos vas en om te gee.

Hoekom privaat? Nee, as jy bid, gaan na jou kamer toe, maak die deur toe en bid tot jou Vader wat jy nie kan sien nie. Jou Vader wat sien wat verborge is, sal jou beloon (Matteus 6:6). Hoe gouer ons ongelowige mense so ver kan kry om hulle Bybels te lees en te bid, hoe beter. Maar hoe predikers oor die naweke oor die Bybel praat, bepaal hulle belangstelling in die Bybel tydens die week. Jy moet die Bybel vir hulle toeganklik maak. Hulle moet dit eers lees voordat hulle dit kan glo.

Hoor God die gebede van ongelowiges? Lees weer die verhaal van Kornelius in Handelinge 10. God het nie alleen sy gebede verhoor nie, maar ‘n engel na hom gestuur. Nadat Petrus die evangelie aan hulle verduidelik het, kom Heilige Gees op almal wat na die woord geluister het.

Volgende keer gaan ons na die derde katalis – persoonlike bediening – kyk.

Katalis #3: Persoonlike bediening

Min dinge laat ons geloof so vinnig groei as om in ‘n bedieningsgebied te kom waar ons voel ons nie voorberei is nie. Maar God het dit met Moses, Josua en tot by Paulus gedoen. Jesus plaas hulle voortdurend in onmoontlike situasies. Lees net weer Jesus se eerste vermeerdering van die brood in Matteus 16. Jesus en sy dissipels met 5 000 mans en nog vrouens en kinders is bymekaar. Dit word laat en die dissipels vra Jesus om die mense terug te stuur na die dorpe sodat hulle kos kon koop. Wat sê Jesus vir hulle? Hulle hoef nie weg te gaan nie. Gee julle vir hulle iets om te eet. Sjoe, hier is nou ‘n geloofstoets. Wat doen jy nou as Jesus vir jou sê om iets te doen en jy weet jy kan dit nie doen nie? Jy kan verskonings maak of vir Hom vertel wat Hy reeds weet: Ons het hier net vyf brode en twee vissies.  Sekere dinge verander nooit nie – insluitend Jesus se reaksie: bring dit vir My hier.

Wat sê Jesus vir ons? Bring net wat jy het en Ek sal daarmee werk. As ons net dit sou doen, sal ons verbasende resultate sien … en ons vertroue in Hom sal toeneem. Bediening dwing ons om voortdurend op God te vertrou. Daarom moet ons mense so gou as moontlik betrokke kry by een of ander bediening. Hulle sal gou uitvind wat hulle nie weet nie en dan is hulle uiters leerbaar. Hulle sal ook gou agter kom of dit die regte bediening vir hulle is. Die grootste voordeel van deel wees van ‘n bediening is dat ons mense met name, gesigte en stories leer ken.

As jy iemand se vertroue in God wil vermeerder plaas hom net in ‘n bediening voordat hy voel hy gereed is daarvoor. Bediening laat mense se geloof groei.

Volgende keer gaan ons na die laaste twee geloofskataliste kyk.

There can be no dividing line between what we do for a living and whom we live to serve – Leonard Sweet en Frank Viola

Wat is die kerk?  Maak dissipels (2)

Ek gaan baie gebruik maak van Andy Stanley se boek: Deep and Wide: Creating Churches Unchurched People Love to Attend (2012).

Ons begin nou na die vyf geloofskataliste kyk.

Katalis #1: Praktiese Onderrig

Dit is nie die eerste blootstelling aan die Bybel wat mense se geloof versterk nie, maar die eerste keer as hulle verstaan wat die Bybel leer en toe hulle gehoor het wat gedoen moet word met wat hulle in die Bybel geleer het. Toe Jesus klaar was met sy bergrede lees ons: Toe Jesus klaar gepraat het, was die skare verbaas oor sy onderrig, want Hy het hulle geleer soos ‘n man met gesag en nie soos hulle skrifgeleerdes nie (Matteus 7:28 – 29).

Maar hoe het Jesus se onderrig van dié van ander leermeesters verskil? Ja, Hy het met gesag en passie gepraat, maar Hy het nie net gesê wat waar is nie, maar Hy wou ook gehad het dat die gehoor op sy onderrig moes reageer: Elkeen dan wat hierdie woorde van My hoor en daarvolgens handel, kan vergelyk word met ‘n verstandige man wat sy huis op rots gebou het … En elkeen wat hierdie woorde van My hoor en nie daarvolgens handel nie, kan vergelyk word met ‘n dwaas wat sy huis op sand gebou het (Matteus 7:24, 26). Jesus het nie net inligting oorgedra nie – Hy leer mense sodat hulle iets kan doen en hulle lewens verander. Nooit lees ons dat Hy mense teregwys weens ‘n gebrek aan kennis nie, maar wel weens ‘n gebrek aan geloof.

Praktiese onderrig wat mense dinge laat doen, is een van die primêre maniere wat God gebruik om ons geloof te laat groei. Om die woord van God te onderrig gaan nie oor dinge weet nie, maar oor dinge doen. Predikers wat “dit is wat jy moet doen” aan die einde van hulle preke byvoeg, maak ‘n groot impak op kerklos, ongelowige mense – al verstaan hulle nie die onderliggende redes nie. Mense stel meer belang in wat werk as in wat waar is. As jy die waarheid uitdeel sonder om vir mense te sê watter verskil dit gaan maak, sal hulle jou as irrelevant beskou. Kyk weer na die bergrede. Watter woord gebruik Jesus oor en oor: Geseënd. Dit is wat mense graag wil hoor: wat moet ek doen om geseën te word?

Die inhoud van ons preke/gesprekke met kerklos mense moet nie net waar wees nie, maar moet hulle ook help. Die waarheid met “die volgende stappe” veroorsaak dat mense se geloof groei. Ons moet gedurig die volgende drie vrae vra:

• Wat wil ek hê dat hulle moet weet?
• Wat wil ek hê dat hulle moet doen?
• Wat moet ek doen om verdere stappe vir hulle duidelik te maak?

Volgende keer kyk ons na die volgende katalis: Privaat dissiplines.