Die Geestelike Dissiplines: Hoe verander God lewens (14)

The greatest compliment that was ever paid me was when one asked me what I thought, and attended to my answer. -Henry David Thoreau  (1817-1862)

Die Geestelike Dissiplines: Hoe verander God lewens (14)

Dallas Willard, Professor aan die University of Southern Califonia se School of Philosophy en leraar in die Southern Baptist Church, het ‘n belangrike boek geskryf: The Spirit of the Disciplines. [Hy is onlangs oorlede.] Ek gaan baie op hierdie boek staatmaak in hierdie reeks oor geestelike dissiplines.

Ons gaan voort met die dissiplines van onthouding.

Stilte

Ons sluit ons af van die geluide om ons.

Totale stilte is skaars. Wat ons stilte noem, is gewoonlik ‘n bietjie minder geraas. Ons huise en werkplekke is vol geraas – dit stel ons nogal gerus. Totale stilte is vir ons skokkend, want dit laat die indruk dat niks besig is om te gebeur nie – in ons wêreld kan niks erger as dit wees nie. Sonder stilte het afsondering min waarde. Silence is the way to make solitude a reality (Henri Nouwen). Stilte stroop ons en ons staan voor die werklikhede van die lewe – die dood wat ons van die wêreld afsny en net vir ons en God oorlaat. Die innerlike leegheid van ons lewens word bewys deurdat ons altyd geraas om ons wil hê – om seker te maak iets gebeur om ons. Stilte in die teenwoordigheid van ander is haas onmoontlik. Maar ons leef saam met ander hoe nou? Soggens vroeg.

Benader stilte met gebed en ‘n eksperimentele gesindheid – vertrou dat ons gelei sal word om die tyd reg te gebruik. Net stilte maak lewensreddende konsentrasie op God moontlik, want dit stel ons  in staat om die sagte God te hoor: Hy sal nie twis en nie skreeu nie, en niemand sal sy stem op die strate hoor nie (Matteus 12:19). God sê vir ons: julle krag lê in stil wees en vertroue hê (Jesaja 30:15)

Stilte + opreg luister is dikwels die sterkste getuienis van ons geloof. Die probleem is nie om mense aan praat te kry nie, maar om diegene wat deur hulle aanhoudende praat ‘n liefdelose hart openbaar, stil te kry. We need to pay less attention to what people are trying to tell us, and more to what they tell us without trying (Miguel de Unamuno).

Hoekom praat ons so baie? Ons is ongemaklik oor wat ander van ons dink. People who love one another can be silent together (Eberhard Arnold). Hoekom is ons oor ander se sienings van ons bekommerd as God met ons is en as Jesus Christus aan sy regterhand sit en vir ons pleit (Rom 8:31 – 34). Baie min mense het ‘n stil innerlike vertroue; baie begeer dit.

Volgende keer kyk ons na vas.



Die Geestelike Dissiplines: Hoe verander God lewens (13)

. —Augustus Strong

Die Geestelike Dissiplines: Hoe verander God lewens (13)

Dallas Willard, Professor aan die University of Southern Califonia se School of Philosophy en leraar in die Southern Baptist Church, het ‘n belangrike boek geskryf: The Spirit of the Disciplines. [Hy is onlangs oorlede.] Ek gaan baie op hierdie boek staatmaak in hierdie reeks oor geestelike dissiplines.

Ons kyk na ‘n paar spesifieke dissiplines van onthouding.

Afsondering  

 

Afsondering het ‘n groot rol in die lewe van Jesus Christus gespeel. Afsondering beteken dat ons ons doelbewus weerhou van interaksie met ander mense. Ons sluit onsself af. Hierdie is nie net vir rus en verfrissing nie – dit kan ook tot ons geestelike welstand bydra. Afsondering beteken dat ek kies om alleen te wees.

In afsondering vind ons die sielkundige afstand, die perspektief van waar ons die dinge wat ons vasvang, bekommer en onderdruk, kan sien. Maar afsondering, soos al die geestelike dissiplines, dra ‘n risiko. Afsondering breek die dop van ons oppervlakkige sekuriteit. Ons kan afsondering alleen oorleef as ons daar aan Christus vashou. Dit wat ons daar van Hom ondervind stel ons in staat om na die samelewing terug te keer as vry mense.

Aan die begin van ons geestelike lewe is hierdie waarskynlik dié fundamentele dissipline – en soos ons geestelike lewe vorder moet ons weer en weer daarna terugkeer. Probeer net om te vas, bid, dien, gee of feesvier sonder die voorbereiding wat met afsondering gepaard gaan. Dit werk nie. Die woestyn is die primêre kragbron vir beginners – soos Jesus en Paulus . As ons alleen is, is dit inderdaad moontlik om stil te wees: Bedaar en erken dat Ek God is, hoog bo die nasies, hoog bo die aarde (Psalm 46:11). Vir slegte tyding is hy nie bevrees nie, hy is gerus, hy vertrou op die Heer. Hy voel hom veilig, hy is nie bevrees nie: hy sal die nederlaag van sy vyande aanskou (Psalm 112:7 – 8)

Kuisheid

Seksualiteit is ‘n kragtige en subtiele krag van die menslike natuur. Elkeen van julle moet weet  dat hy met sy vrou heilig en eerbaar moet saamlewe (1 Tessalonisense 4:4). ‘n Groot deel van hierdie weet is om te leer om nie deur seksuele gevoelens en begeertes  beheer te word nie.

Ons is seksuele wesens. God het ons man en vrou gemaak (Genesis 1:27). Iemand wat seksueel losbandig lewe, vergryp hom aan sy eie liggaam (1 Korintiërs 6:18). Om kuisheid te beoefen, moet ons eers liefde beoefen – soek die beste vir die teenoorgestelde geslag met wie ons in aanraking kom

Volgende keer gaan ons verder met die dissiplines van onthouding.



Die Geestelike Dissiplines: Hoe verander God lewens (12)

To read without reflecting is like eating without digesting. -Edmund Burke, staatsman en skrywer (1729-1797)

Die Geestelike Dissiplines: Hoe verander God lewens (12)

Dallas Willard, Professor aan die University of Southern Califonia se School of Philosophy en leraar in die Southern Baptist Church, het ‘n belangrike boek geskryf: The Spirit of the Disciplines. [Hy is onlangs oorlede.] Ek gaan baie op hierdie boek staatmaak in hierdie reeks oor geestelike dissiplines.

Ons het in die vorige blog gewys dat die geestelike dissiplines in twee kategorieë verdeel kan word. Ons begin vandag met die eerste kategorie: Die Dissiplines van onthouding. Daarom dring ek by julle daarop  aan om nie aan sinlike begeertes toe te gee nie (1 Petrus 2:11).

 

Die dissiplines van onthouding moet deur almal beoefen word. Dit moet lei tot ‘n sobere en matige gebruik van al God se gawes. As ons voel dat enige gewoonte, al is dit skadeloos, ons van God weghou; as ons voel dat dit wat ander met straffeloosheid doen ons verlei – dan is onthouding ons enigste keuse. Ons moet ontslae raak van alles wat tussen onsself en God kom.

In hierdie dissiplines bly ons weg van wat ons gewoonlik as normale en wettige begeertes beskou. Dit is dinge wat ons basies motiveer – kos, slaap, liggaamsaktiwiteite, vriendskappe  en seks. Ons begeertes vir gemak, materiële sekuriteit, reputasie en roem en verskeidenheid val ook onder hierdie groep. Meeste hiervan moet tot ‘n sekere mate vervul word vir menslike lewe en gesondheid. Onthou daar is nie noodwendig iets inherent verkeerd met hierdie begeertes nie. Ongelukkig laat ons toe dat hierdie begeertes soms hand uit ruk. Uiteindelik is dit ‘n bron van sonde.

Die sewe dodelike sondes wat dwarsdeur die geskiedenis van die kerk erken is, is: trots, jaloesie,  woede, luiheid, hebsug, gulsigheid  en wellus. Elkeen, tot ‘n meerdere of mindere mate,  is wettige begeertes wat skeefgeloop het. Deur ons omstandighede en gedrag aan te pas, kan ons hierdie basiese begeertes in hulle regte plek plaas.

Volgende keer begin ons met spesifieke dissiplines van onthouding. Ek gaan my beperk tot die meer algemene dissiplines.



Die Geestelike Dissiplines: Hoe verander God lewens (11)

“To live was to enjoy – when every faculty was in its perfection, amidst abundance of objects which infinite wisdom had purposely suited to it… when he was at full liberty to enjoy either the Creator or the creation – to indulge in rivers of pleasure, ever new, ever pure, from any mixture of pain.” – John Wesley

Die Geestelike Dissiplines: Hoe verander God lewens (11)

Dallas Willard, Professor aan die University of Southern Califonia se School of Philosophy en leraar in die Southern Baptist Church, het ‘n belangrike boek geskryf: The Spirit of the Disciplines. [Hy is onlangs oorlede.] Ek gaan baie op hierdie boek staatmaak in hierdie reeks oor geestelike dissiplines.

Kom ons kyk na daardie aktiwiteite wat algemeen deur Christus se dissipels deur die eeue gebruik is. Ons kan die lys in twee afdelings verdeel:

 

  1. I.Dissiplines van onthouding:
  • Afsondering
  • Stilte
  • Vas
  • Spaarsaamheid
  • Kuisheid
  • Opoffering
  1. II.Dissiplines van betrokkenheid
  • Studie
  • Aanbidding
  • Feesviering
  • Diens
  • Gebed
  • Gemeenskap
  • Onderwerping
  • Belydenis

 

Volgende keer begin ons met die dissiplines van onthouding.