Die interpretasie van die Skrif (1)

Heaven would be hell to me without Christ. —Thomas Goodwin

Die interpretasie van die Skrif (1)

Dit word van gelowiges verwag om die Bybel te lees en te verstaan. Dit is nie so maklik nie. Daar is al dik boeke hieroor geskryf. Kom ons kyk na ‘n eenvoudiger manier om die Bybel te interpreteer.

Gelowiges benader die Bybel op verskillende maniere. Hierdie benadering word dikwels deur hulle omstandighede en behoeftes bepaal. Daar is drie basiese maniere om die Skrif te benader: ons moet die Bybel lees (hart), ons moet dit interpreteer (verstand word uitgedaag) en ons moet die Bybel toepas (verander ons lewens). Hierdie drie basiese elemente verander niw na gelang van omstandighede en behoeftes nie.

 

  1. Lees die Bybel

Ons moet oor die Bybelse terrein vlieg, maar ook daardeur loop. As ons oor die terrein vlieg, lees ons ‘n langer gedeelte – ‘n hoofstuk of selfs langer. Ons zoom uit om ‘n gevoel vir die groter prentjie te kry, hoe die storie ontvou, om God se oorkoepelende planne vir sy skepping waar te neem. Ons soek wysheid  en nie so seer inligting nie; ons sintetiseer meer as wat ons analiseer. Daarom is dit goed om deur die hele Bybel in ‘n jaar of twee te lees – kyk net na al die leesprogramme. Vir baie mense is dit belangrik om hulle gedagtes en insigte neer te skryf soos hulle die groter prentjie sien ontvou. Om die besonderhede van die Bybel te bestudeer in belangrik, maar om groter dele te lees, is net so belangrik – ons het beide nodig.

  1. Interpreteer die Bybel

Nou bestudeer ons kleiner gedeeltes.  As ons besonderhede soos woorde, sinne en paragrawe bestudeer, interpreteer ons ook. Dit is onmoontlik om die Bybel te lees, te verstaan en toe te pas sonder om dit te interpreteer. Interpretasie is nie ‘n opsie nie – dit is noodsaaklik Die vraag is egter of ons die Bybel akkuraat en verantwoordelik sal interpreteer.

Verantwoordelike interpretasie begin met die vraag: wat het hierdie teks vir sy oorspronklike gehoor beteken? Ons moet twee sake oorweeg as ons hierdie vraag wil beantwoord. Daarna kyk ons volgende keer.



Die interpretasie van die Skrif (4)

. —A.W. Tozer

Die interpretasie van die Skrif (4)

Interpretasie van die Bybel beteken ons bepaal wat die gedeelte vir die oorspronklik gehoor beteken het. Toepassing van die Bybel beteken ons bepaal hoe daardie betekenis op ons van toepassing is. Die oorspronklike betekenis is dieselfde vir alle Christene, maar die toepassing mag verskil.

Ons gaan oor van die antieke wêreld na ons huidige wêreld op twee maniere:

 

  • Hoe verskil ons omstandighede en hoe stem dit ooreen met dié van die antieke gehoor? Ons word van die oorspronklike gehoor deur baie dinge geskei: taal, tyd, kultuur, ens. Soms is hierdie gaping wyd (sekere dele van die Ou Testament) en soms nie so wyd nie. As ons kyk na Hebreërs 12 word ons nie versoek om na Judaïsme terug te keer om sodoende vervolging vry te spring nie. Ons mag egter steeds versoek word om van Christus weg te beweeg na ‘n meer “aanvaarbare” vorm van godsdiens om spot en teenstand te verminder.
  • Ons identifiseer die tydlose teologiese boodskap of beginsels. Skryf weer ‘n stelling neer: Wat beteken die teks vir Christene vandag? Maak seker dat dit die teks akkuraat weergee. Kom ons kyk weer na Hebreërs 12:
  1. oDie gelowiges wat volhard het en nou by die Here is, is waardevolle voorbeelde van volharding. Kyk na hulle vir bemoediging.
  2. oDie Christelike lewe is soos ‘n moeilike wedloop, wat inspanning en volharding vereis – dit is meer soos ‘n maraton as ‘n naelloop. Dit bemoedig mense wat in die versoeking kom om ‘n makliker roete te volg of om tou op te gooi om te volhard.
  3. oOm die wedloop suksesvol te voltooi, moet ons dinge wat ons vordering belemmer afgooi. Ons moet op Jesus en sy volmaakte voorbeeld van volharding onder moeilike omstandighede fokus.

Ons kan die toepassing meer spesifiek maak afhangende van die omstandighede.  Ons kan byvoorbeeld definieer watter poging en volharding nodig is.

Ons het gesê dat interpretasie van die Skrif ‘n ingewikkelde onderwerp is. Ons het ‘n eenvoudige skema voorgestel:

  • Lees die Bybel – lees wyd en dan in besonderhede.
  • Interpreteer die Bybel deur na die konteks en inhoud van die gedeelte wat ons wil interpreteer, te kyk.
  • Toepassing – wat is die tydlose beginsels opgesluit in hierdie gedeelte.


Die interpretasie van die Skrif (3)

In some circumstances, the refusal to be defeated is a refusal to be educated. -Margaret Halsey, skrywer (1910-1997)

Die interpretasie van die Skrif (3)

Ons is nog besig met die vraag: Wat het hierdie teks vir die oorspronklike gehoor beteken? Om dit te kan doen, moet ons eerstens na die konteks van die gedeelte wat ons besig is om te interpreteer, kyk. Daarna kyk ons na die inhoud van die gedeelte.

 

  • Inhoud

 ‘n Paar stappe is belangrik:

  • Kyk na verskillende vertalings. Dit kan verskillende sleutelaspekte beklemtoon en mag selfs die betekenis van die gedeelte duidelik maak.
  • Lees die gedeelte ‘n paar keer deur en let op die besonderhede. Kom ons kyk weer na Hebreërs 12:1 – 3:
  1. oTerwyl ons dan waarmee hierdie gedeelte begin, verwys terug na Hoofstuk 11die groot skare geloofsgetuies rondom ons.
  2. oWat bedoel die skrywer met rondom ons?
  3. oBeeldspraak – ‘n langafstand wedloop.
  4. oOns moet elke las van ons afgooi, ook die sonde wat ons so maklik verstrik. Is hierdie dieselfde ding of twee verskillende dinge waarvan die skrywer hier praat?
  5. oHardloop word met volharding gekwalifiseer. Die las afgooi gaan voor hardloop met volharding.
  6. oWatdie wedloop wat vir ons voorlê?
  7. oWat beteken dit as die skrywer sê dat Jesus die Begin en Voleinder van die geloof is?

Hierdie lys kan verder uitgebrei word. Die belangrike ding is om versigtig te kyk wat die gedeelte beteken.

  • Konsulteer die kundiges om vas te stel wat sleutelwoorde beteken en om antwoorde op jou vrae te kry. Betroubare Bybelkommentare gee vir ons kosbare inligting oor elke aspek van die gedeelte. Dit is beter om verskeie kommentare en nie net een nie, te raadpleeg.

Ons probeer steeds om ons oorspronklike vraag te beantwoord: Wat het hierdie gedeelte vir die oorspronklike gehoor beteken? Ons het na die konteks en inhoud van die gedeelte gekyk. Die volgende stap is om die betekenis van die gedeelte op te som. Dit is beter om dit neer te skryf en wel in die verlede tyd: 

Die skrywer van Hebreërs gebruik die beeld  van ‘n langafstand wedloop om sy gehoor uit te daag om in hulle toewyding aan Christus, ten spyte van teenstand,  te volhard. Eerder as om weg te dryf van Christus en terug te keer na Judaïsme, moet hulle die wedloop van die Christelike lewe met volharding hardloop. Hulle moet bemoedig word deur gelowiges wat reeds volhard het en hulle moet op Jesus fokus, dié voorbeeld van volharding onder druk.

Ons het nou vasgestel wat hierdie gedeelte vir die oorspronklike gehoor beteken het. Maar het hierdie gedeelte enige toepassing op ons omstandighede?