“Though the Holy Spirit is God, equal in essence to the Father and the Son, yet his role is consistently to defer honor, to seek to bring about the glory of another.” – Bruce Ware

Die leuens wat die kerk vertel  (4)

Steve Hill (Spiritual Avalanche) beskryf hoe hy in ‘n whiteout beland het. Dit is waar die sigbaarheid skielik verminder as gevolg van sneeu. Hy voel dit is wat vandag in die kerk gebeur. Die verwysingspunte – die antieke landmerke – is bedek en ons sien hulle nie meer nie. Dwaalleer en waarhede word vermeng en lidmate word gedisoriënteerd – selfs blind.

Ons kyk vandag na die derde en vierde leuen van Hill.

• Antinomianisme 

Wat ‘n verskriklike woord. Letterlik beteken dit “teen die wet.” Eenvoudig gestel beteken dit alles is reg, want Jesus het ons vrygestel. Die probleem: Jesus het ons nie vrygestel om sonde te doen nie – Hy het ons van sonde vrygestel. Jesus het vir ons gesterf  om die mag van die sonde in ons lewens te breek. Nou kan ons aan die eise van die wet voldoen, ons wat ons lewe nie deur ons sondige natuur laat beheers nie, maar deur die Gees (Romeine 8:4). Wat die voorstanders van hierdie onderrig nie besef nie, is dat Jesus ons in sy onderrig oproep om selfs verder as die wet te gaan. As voorbeeld egbreuk: Julle het gehoor dat daar gesê is: ‘Jy mag nie egbreuk pleeg nie.’ Maar Ek sê vir julle: Elkeen wat na ‘n vrou kyk en haar begeer, het reeds in sy hart met haar egbreuk gepleeg (Matteus 5:27 – 28). Jesus verwys na egbreuk in die hart en nie net die fisiese daad nie.

God se wet in nie die probleem nie – sondige begeertes is die probleem. Sonde kos jou meer as wat jy bereid is om te betaal. Sonde beloof jou alles en laat jou met niks agter nie. Kyk waar jy gaan eindig as sonde jou beet kry.

• Die vergoddeliking van die mens

Baie dwaalleer vandag begin by die mens en nie by God nie.  Toe Paulus die evangelieboodskap in Romeine uitgespel het, het hy by God begin en daarna na die mens gekom. Hy is heilig en die mens nie; Hy is regverdig en die mens nie; ons staan onder sy oordeel en het genade nodig en daardie genade kom deur die kruis.

Maar vandag is die evangelie anders. In plaas daarvan dat dit alles oor God gaan, gaan dit alles oor my. Jesus het gekom om my ‘n groter en beter ek te maak. Dit is nie die evangelie wat Jesus verkondig het nie. Toe sê Jesus vir sy dissipels: “As iemand agter My aan wil kom, moet hy homself verloën, sy kruis opneem en My volg, want wie sy lewe wil behou, sal dit verloor; maar wie sy lewe ter wille van My verloor, sal dit terugkry (Matteus 16:24 – 25).

Vandag vertrou ons op die mens – met sy kundigheid en wetenskap gaan hy ons verlos. Ons aanbid die mens en sy vermoëns. Dit gaan ons berou.

Volgende keer gaan ons na die vyfde leuen kyk: uitdaging van die gesag van God se Woord.

f om onfos�6�, maak nie, maar om ons te verlos (Matteus 1:21).

• God kies die armes om ryk in geloof te wees – erfgename van sy koninkryk: Kies God nie juis dié uit wat in die oë van die wêreld arm is , om ryk te wees in die geloof en om die koninkryk in besit te neem wat Hy belowe het aan dié wat Hom liefhet nie? (Jakobus 2:5).

Voorspoedspredikers ignoreer Paulus se kragtige waarskuwing aan Timoteus: Maar dié wat ryk wil word, val in versoeking. Hulle loop hulle vas in die strik van baie sinlose en skadelike begeertes waardeur mense in verderf en ondergang gestort word. Geldgierigheid is die wortel van allerlei kwaad. Party het geld nagejaag en toe van die geloof afgedwaal; daardeur het hulle hulleself baie ellende op die hals gehaal. Maar jy, man van God, moet van hierdie dinge af wegvlug. Streef na opregtheid, toewyding aan God, geloof, liefde, volharding, minsaamheid (1 Timoteus 6:9 – 11).

Voorspoedspredikers moedig God se mense aan om rykdom na te jaag – hulle bepaal selfs jou geestelikheid volgens die motorkar wat jy ry. Wat het dit nou met die evangelie van Jesus Christus te doen?

Volgende keer kyk ons na die tweede leuen: ‘n oordrewe siening van genade.

Only mediocrity can be trusted to be always at its best. Genius must always have lapses proportionate to its triumphs. –Max Beerbohm

Die leuens wat die kerk vertel  (3)

Steve Hill (Spiritual Avalanche) beskryf hoe hy in ‘n whiteout beland het. Dit is waar die sigbaarheid skielik verminder as gevolg van sneeu. Hy voel dit is wat vandag in die kerk gebeur. Die verwysingspunte – die antieke landmerke – is bedek en ons sien hulle nie meer nie. Dwaalleer en waarhede word vermeng en lidmate word gedisoriënteerd – selfs blind.

Vandag kyk ons na die tweede van Hill se sewe leuens.

• ‘n Oordrewe siening van genade

Hierdie onderrig het soos ‘n onkruid in die lewe van Christene ingesluip. Selfs gelowiges stel onverdiende genade gelyk aan onverdiende vryheid. Die gevolg is al hoe meer louwarm Christene. Ons leef in sonde, maar troos ons gewetes – God is ‘n God van liefde wat nooit veroordeel nie; ‘n God wat nie ons optrede oordeel nie. Niks nuuts nie: Die rede hiervoor is dat sekere mense ongemerk julle geledere binnegedring het, goddelose mense wie se veroordeling lank reeds vas staan. Hulle misbruik die genade van ons God.  Hulle gebruik dit as dekmantel om losbandig te lewe, en hulle verwerp ons enigste Meester en Here, Jesus Christus (Judas vers 4).

Hierdie mense soek maniere om sonde te regverdig. Hulle neem ‘n wonderlike waarheid van God wat niemand kan ontken nie en bied dit in ‘n oordrewe vorm aan – hulle meng waarheid en dwaalleer. Ons moet alles wat ons verkondig teen God se woord toets. Hoekom is ons so bang om mense wat duidelik verkeerde dinge verkondig, te konfronteer?

Hulle verkondig dat ons deur genade en nie deur werke verlos word; dat terwyl ons nog sondaars was Christus vir ons gesterf het; dat ons nie meer sondaars, maar gelowiges in God se oë  is; dat God se liefde vir ons nie op ons prestasies berus nie; dat ons nou kinders van God is en saam met Jesus mede-erfgename is. Alles waar.

Maar daar is baie ander Skrifgedeeltes wat hulle ignoreer. Hulle leer dat Jesus vir ons sondes gesterf het (korrek), maar kom tot die gevolgtrekking dat ons as gelowiges nie langer sonde hoef te hanteer nie – ons hoef nie ons sondes te bely of berou te hê oor ons sondes nie. Dit is ‘n verkeerde gevolgtrekking en veroorsaak dat baie gelowiges terugval. As jy ooit tyd het, lees net wat skryf Dietrich Bonhoeffer oor goedkoop genade.

In die volgende blog gaan ons na die volgende twee leuens kyk: antinomianisme en die vergoddeliking van die mens.

Voorspoedspredikers ignoreer Paulus se kragtige waarskuwing aan Timoteus: Maar dié wat ryk wil word, val in versoeking. Hulle loop hulle vas in die strik van baie sinlose en skadelike begeertes waardeur mense in verderf en ondergang gestort word. Geldgierigheid is die wortel van allerlei kwaad. Party het geld nagejaag en toe van die geloof afgedwaal; daardeur het hulle hulleself baie ellende op die hals gehaal. Maar jy, man van God, moet van hierdie dinge af wegvlug. Streef na opregtheid, toewyding aan God, geloof, liefde, volharding, minsaamheid (1 Timoteus 6:9 – 11).

Voorspoedspredikers moedig God se mense aan om rykdom na te jaag – hulle bepaal selfs jou geestelikheid volgens die motorkar wat jy ry. Wat het dit nou met die evangelie van Jesus Christus te doen?

Volgende keer kyk ons na die tweede leuen: ‘n oordrewe siening van genade.

The greatest missionary is the Bible in the mother tongue. It needs no furlough and is never considered a foreigner. —William Cameron Townsend

Die leuens wat die kerk vertel  (2)

Steve Hill (Spiritual Avalanche) beskryf hoe hy in ‘n whiteout beland het. Dit is waar die sigbaarheid skielik verminder as gevolg van sneeu. Hy voel dit is wat vandag in die kerk gebeur. Die verwysingspunte – die antieke landmerke – is bedek en ons sien hulle nie meer nie. Dwaalleer en waarhede word vermeng en lidmate word gedisoriënteerd – selfs blind.

Ons begin vandag met die eerste van Hill se sewe leuens.

• Oorbeklemtoning van voorspoed

Vir sommige predikers (dink maar aan die Amerikaanse TV predikers) is die motivering om te preek geld. Paulus het reeds hierteen gewaarsku: Hulle dink dat die godsdiens iets is om geldelike wins mee te maak (1 Timoteus 6:5). Maar opregte gelowiges aanvaar ook hierdie boodskap van voorspoed – en haal die Skrif aan om hulle saak te ondersteun. Hulle verwys na die verbondseëninge wat God aan Israel belowe as hulle gehoorsaam bly (Deuteronomium 28:1 – 13). Hulle haal verse uit Spreuke en die Psalms aan waar  voorspoed aan vrygewigheid, harde werk, ‘n goddelike leefwyse en geloof  verbind word (byvoorbeeld Psalm 112). Hulle haal Lukas 6:38 aan: Gee, en vir julle sal gegee word. Hulle haal Paulus aan wat oor die finansiële beginsels van saai en oes geskryf het. Die probleem is nie as jy geld het nie, maar as die geld jou het. Daar is dinge wat hierdie voorspoedsteoloë nie noem nie:

• Jesus het teen gierigheid gewaarsku: Pas op en wees op julle hoede vir elke vorm van gierigheid, want ‘n mens se lewe is nie afhanklik van die oorvloed van sy besittings nie (Lukas 12:15).
• In sy bergrede waarsku Jesus teen skatte op aarde bymekaarmaak (Matteus 6:19 – 24) waar ons onder andere lees: Julle kan nie God en Mammon dien nie.
• Jesus beklemtoon die versorging van die armes (Matteus 25:31 – 46).
• Johannes waarsku teen die mens se liefde vir wêreldse dinge –  alles wat sy oë sien en begeer, al sy gesteldheid op besittings (1 Johannes 2:15 – 17).
• Jesus het nie geleef en gesterf om ons voorspoedig te maak nie, maar om ons te verlos (Matteus 1:21).
• God kies die armes om ryk in geloof te wees – erfgename van sy koninkryk: Kies God nie juis dié uit wat in die oë van die wêreld arm is , om ryk te wees in die geloof en om die koninkryk in besit te neem wat Hy belowe het aan dié wat Hom liefhet nie? (Jakobus 2:5).

Voorspoedspredikers ignoreer Paulus se kragtige waarskuwing aan Timoteus: Maar dié wat ryk wil word, val in versoeking. Hulle loop hulle vas in die strik van baie sinlose en skadelike begeertes waardeur mense in verderf en ondergang gestort word. Geldgierigheid is die wortel van allerlei kwaad. Party het geld nagejaag en toe van die geloof afgedwaal; daardeur het hulle hulleself baie ellende op die hals gehaal. Maar jy, man van God, moet van hierdie dinge af wegvlug. Streef na opregtheid, toewyding aan God, geloof, liefde, volharding, minsaamheid (1 Timoteus 6:9 – 11).

Voorspoedspredikers moedig God se mense aan om rykdom na te jaag – hulle bepaal selfs jou geestelikheid volgens die motorkar wat jy ry. Wat het dit nou met die evangelie van Jesus Christus te doen?

Volgende keer kyk ons na die tweede leuen: ‘n oordrewe siening van genade.