Without new hearts there can be no new world – Leonard Sweet en Frank Viola

Waar is God? Het God dalk verslaap?

Philip Yancey se nuwe boek, The Question that Never goes away, het onlangs verskyn. Die vraag waarna hier verwys word is: Waarmee is God besig – of nie besig nie – in ‘n wêreld vol tragedies en pyn? Hy het vantevore ook oor hierdie onderwerp geskryf. Ek gaan ‘n paar blogs spandeer aan sy boek.

Ons het gekyk na natuurrampe, maar wat van massamoorde – Sarajewo, Rwanda, konsentrasiekampe … Herinner ons aan Habakuk: Hoe lank moet ek om hulp roep voordat U hoor, Here, moet ek by U bly kla oor geweld voordat U red? … waarom kyk U toe as daar soveel ellende is? … Slegte mense het die oorhand oor die goeies, en so word die reg verkrag (1:2 – 4). Psalm 23 beweeg van groen weivelde na donker dieptes.

War egter vas staan is dat God by ons is In u hande is ek veilig.

God het egter verkies om deur mense te werk – mense wat verander is om die geskiedenis te verander. God verkies om in my en langs my te werk. As daar iets is wat ons meer nodig het as die antwoord op die hoekom-vraag is dit die versekering van God se teenwoordigheid by ons. Daarom het God sy Seun gestuur. Hy aanvaar sy lyding vrywillig. Dietrich Bonhoeffer wat in ‘n Duitse konsentrasiekamp gesterf het, stel dit so: Only a suffering God can help.

Dit help nie ons probeer die hoekom-vraag antwoord nie – ons moet besef  dat God nie ‘n afwesige God is wat nie weet wat op die aarde aangaan nie. Ons gaan nie alleen deur ons lyding nie. Christian Wiman wat sy vrou en kind in ‘n motorongeluk verloor het, s: Christ is God crying out I am here.

Die volgelinge van Jesus Christus glo dat God eendag ons planeet sal genees. Die probleem is dat baie van ons nie ‘n wêreld vol pyn en lyding met ‘n liefdevolle God kan vereenselwig nie. Willard Dallas gee ‘n bietjie perspektief hierop: Nothing irredeemable has happened to us or can happen to us on our way to our destiny in God’s full word. Alles kan en gaan reggestel word.

Die volgelinge van Jesus Christus is nie van tragedies vrygestel nie – Jesus was ook nie van sy kruisdood vrygestel nie. As dit lyk of God afwesig is, moet sy volgeling sy teenwoordigheid op aarde wys. Sonder ondersteuning van ander lei lyding tot isolasie en wanhoop.

Slaap God? Is Hy afwesig? Paulus antwoord: Wie kan ons van die liefde van Christus skei? Lyding of benoudheid of vervolging, honger of naaktheid, gevaar of swaard? … Hiervan is ek oortuig: geen dood of lewe of engele of magte of teenswoordige of toekomstige dinge of kragte of hoogte of diepte of enigiets in die skepping kan ons van die liefde van God skei nie, die liefde wat daar is in Christus Jesus ons Here (Romeine 8:35 – 39)

A disciple, who is not inwardly the same as outwardly, will not enter the House of Study – Gamaliël, die rabbi en Paulus se leermeester..

Waar is God? Soek die helpers

Philip Yancey se nuwe boek, The Question that Never goes away, het onlangs verskyn. Die vraag waarna hier verwys word is: Waarmee is God besig – of nie besig nie – in ‘n wêreld vol tragedies en pyn? Hy het vantevore ook oor hierdie onderwerp geskryf. Ek gaan ‘n paar blogs spandeer aan sy boek.

Hoe bepaal ek die ware krag van ‘n samelewing? Deur te kyk na hoe hy die kwesbaarste lede van sy samelewing hanteer. Die boodskap wat ons aan die persoon wat swaarkry moet gee, is: Jy is nie alleen nie. Dit is ongelukkig nie wat ons vandag in ons samelewings kry nie. Ons kultuur ontken pyn en die dood. Daarom plaas ons mense wat swaarkry in inrigtings. So isoleer ons hulle van normale menslike kontak.

Navorsing bewys dat ‘n persoon wat deel is van ‘n gemeenskap wat omgee, gouer herstel. Ons weet dat mense stadiger herstel as daar spanning, skuldgevoelens, angs of eensaamheid is. Hierdie bykomstige faktore word baie goed deur ‘n deernisvolle samelewing verstaan.

Paulus sê dat as een deel van die liggaam ly, die hele liggaam ly. Die geloofsgemeenskap kan ‘n unieke bydrae maak tot mense wat ly. Ongelukkig hoor ons so dikwels dat die kerk die situasie vererger het. Sommige gelowiges het die tsunami in Asië beskryf as God wat Hom op die “heidennasies” wreek. Die probleem is dat hierdie uiterste stellings deur selfaangestelde spreekbuise van die geloofsgemeenskap wye dekking in die media kry. Almal probeer soos Job se vriende ‘n verduideliking gee.

Woorde veroorsaak dikwels meer pyn as die moeilike situasie self. Dink maar aan: Daar moet tog ‘n rede wees waarom dit gebeur het; In sulke tye sal God nie ‘n groter las op ons plaas as wat ons kan hanteer nie; God het hom nodig gehad in die hemel; Alle dinge werk saam ten goede; ens. Hierdie woorde is negatief en vererger dikwels die situasie.

Voordat ek met iemand wat swaarkry praat, moet ek twee vrae vra:

• Hoe sou my woorde klink vir die persoon wat swaarkry? Sou dit hom troos of sy pyn vererger?
• Wat sou Jesus Christus vir daardie persoon gesê het?

Moenie probeer om die hoekom vraag te antwoord nie – dit vryf net sout in sy rou wonde. Wat die wonde verbind, is ons liefdevolle teenwoordigheid.

Ons weet almal van die sewe dodelike sondes. In die Middeleeue het die kerk die sewe genadewerke geformuleer: voed diegene wat honger is; gee vir dié wat dors is water; gee klere vir diegene wat naak is; gee huisvesting vir diegene wat haweloos is; besoek die siekes; begenadig die gevangenes; begrawe die dooies.

Na die orkaan Katrina sê die bekende Amerikaanse TV regiseur, John Marks: The faith no longer travels by the word. It moves by the deed. Wat moet die gelowige in tye van krisisse doen: Wees beskikbaar en wees ‘n helper.

It is the most important thing in life to understand the Lord Jesus – T. Austin-Sparks

Waar is God? Ons enigste hoop

Philip Yancey se nuwe boek, The Question that Never goes away, het onlangs verskyn. Die vraag waarna hier verwys word is: Waarmee is God besig – of nie besig nie – in ‘n wêreld vol tragedies en pyn? Hy het vantevore ook oor hierdie onderwerp geskryf. Ek gaan ‘n paar blogs spandeer aan sy boek.

Ons het soos Job geen antwoorde nie – net hoop. Die verhaal van Jesus Christus sluit dood en opstanding in. Die optimiste sê dat dinge geleidelik sal verbeter. Christene glo dat die skepping eendag getransformeer gaan word. Tot dan toe gaan God nie in elke bose gebeurtenis ingryp nie. Intussen moet ons in hierdie vyandige en gebroke wêreld as sy agente optree.

By Paulus is daar geen twyfel oor die toestand van ons wêreld nie:Ons weet dat die hele skepping tot nou toe sug in die pyne van verwagting (Romeine 8:22). Totdat dit gebeur sal ons nie ‘n bevredigend antwoord op hierdie hoekom-vraag kry nie. Soos Job sal ons aan ons geloof moet vashou en God met die groter prentjie vertrou.

Hoekom vermy die Bybel hierdie hoekom-vraag? Sodra ek die antwoord kry, skuif my aandag van die persoon wat ly na die omstandighede wat dit veroorsaak het. Ek is dan van min hulp vir die persoon wat ly. In Johannes 9 lees ons van die persoon wat blind gebore is. Wat was die eerste vraag van die dissipels? Deur wie se sonde is dit dat hierdie man blind gebore is: sy eie of sy ouers s’n? As hulle die antwoord geweet het, sou hulle weggeloop het met die oortuiging dat die man gekry het wat hy verdien het. Jesus verwerp die teorie dat lyding die straf vir sonde is – net soos God die antwoorde van Job se vroom vriende verwerp het.

Jesus fokus op die man se probleem – blindheid. Om te fokus op die omstandighede wat tot die lyding gelei het, mag van waarde vir voorkoming in die toekoms wes, maar dit doen baie min vir die slagoffers self. Daarom word in feitlik elke deel van die Nuwe Testament waar oor lyding gepraat word die fokus van die oorsake na die reaksie  verskuif word. God whispers to us in our pleasure, speaks in our conscience, but shouts in our pains. It is His megaphone to reach a deaf world (C. S. Lewis).

Viktor Frankl wat die Duitese konsentrasiekamp oorleef het, sê dat die grootste dryfkrag in die lewe  die mens se soeke na betekenis is. Everything can be taken from a man but one thing: the last of the human freedoms – to choose one’s attitude in a given set op circumstances. Die mens kan kies hoe hy in sy omstandighede gaan reageer.

Gaan ons sukkel om ‘n antwoord op die hoekom vraag te kry of gaan ons inspring en help? Daarna kyk ons volgende keer.

“With” is Emmanuel’s middle name –  Teri Hyrkas

Waar is God? Die hoekom-vraag

Philip Yancey se nuwe boek, The Question that Never goes away, het onlangs verskyn. Die vraag waarna hier verwys word is: Waarmee is God besig – of nie besig nie – in ‘n wêreld vol tragedies en pyn? Hy het vantevore ook oor hierdie onderwerp geskryf. Ek gaan ‘n paar blogs spandeer aan sy boek.

Dit is baie interessant dat God nooit hierdie hoekom vraag antwoord nie. Die Bybel gee geen sistematiese antwoord op die probleem van lyding nie. Die skrywes van die Bybel gee ook nie baie aandag aan die vraag hoekom slegte dinge met goeie mense gebeur nie. God doesn’t explain. He explodes. He asks Job who he thinks he is anyway. He says that to try to explain the kind of things Job wants explained would be like trying to explain Einstein to a littleneck clam … God doesn’t reveal his grand design. God reveals Himself (Frederick Buechner).

As God dan nie vir ons sê hoekom tragedies gebeur nie, hoe moet Christene dan tragedies hanteer? Is daar hoop?