Maria Magdalena – Francois Malan

Lizzie vra:

Antwoord

Prof. Francois Malan antwoord:

1 Maria Magdalena kom waarskynlik, volgens haar naam, van die stadjie Magdala, waarskynlik die stadjie 6 km noord van die stad Tiberias aan die see van Galilea.

Sy word in die Nuwe Testament genoem in 12 tekse:

Mt 27:61 Vrydagaand by die graf van Jesus (Mk 15:47)

3 Die 12 tekse hierbo is al wat ons vir seker weet van Maria Magdalena. Maar later, in die apokriewe geskrifte en in verskillende kerke is daar baie fantastiese stories oor Maria Magdalena wat nie historiese feite is nie, maar die gedagtes van mense wat baie van mekaar verskil oor wat die bose geeste is wat uit haar uitgedryf is, watter soort vrou sy was, en wat haar verhouding met Jesus sou gewees het.

Prof Francois Malan

 It is folly to think the Lord provides grace for every trouble but the one you are in today. —C.H. Spurgeon

Ek het ‘n fout gemaak (2)

In die vorige blog het ons gekyk na hoekom Maria Magdalena oorspronklik nie vir Jesus Christus kort na sy opstanding herken het nie. Nou kyk ons na die tweede vraag:

• Sukses: Hoekom het Maria Magdalena later die opgestane Jesus herken net om deur Hom aangestel te word om sy oorwinning oor die dood aan die apostels en ander aan te kondig?

Toe Jesus haar naam noem, word al haar sintuie weer “wakker.” Sy sien en hoor Jesus se teenwoordigheid en stem. Wat oënskynlik die Vrydag in ‘n tragedie geëindig het, is nou die begin van ‘n buitengewone bediening van Jesus, sy volgelinge en sy kerk.

Hoekom was Maria die eerste persoon om die opgestane Jesus te sien? Hoekom het sy die opdrag gekry om die Goeie Nuus aan die apostels en aan ander oor te dra?

Rede #1: Hart

Maria se hart fokus op Jesus; sy wil Jesus, haar Verlosser en Here, se lyk kry. Vandag fokus baie gelowiges daarop om die verlede terug te wen en hoor glad nie Jesus se stem nie – hulle voel nie sy teenwoordigheid nie. Kan ons wandelende harte nie maar net op Jesus fokus nie.

Rede #2: Liggaam

Maria is hartseer. Sy is alleen. Maria weet uit persoonlike ondervinding dat Jesus haar persoonlike Verlosser is en al haar seerkry kan genees. Sy wat eerlik in haar seerkry was, was die eerste wat die Goeie Nuus wat genees, ontvang het. Dit is steeds moontlik om die Goeie Nuus van God se genade in tye van fisiese hartseer te ontvang. God gebruik steeds hartseer en siekte om ons sintuie “wakker” te maak.

Rede #3: Gees

Maria se aandag word deur haar gesprek met die engele afgetrek. Daar is niks mee verkeerd om aandag aan so ‘n ondervinding te gee nie. Vir Maria was dit ‘n tydelike onderbreking – soos dit vir ons ook moet wees. Ons aandag word so maklik deur ‘n betekenisvolle “aanbiddingsgeleentheid” vasgevang dat ons nie die lewende Here self ondervind nie. Soms is ons so vol van eerlike danksegging aan God vir ‘n wonderlike geleentheid of groot oomblik dat ons daardie kosbare persoonlike ontmoeting met die opgestane Jesus misloop.

Rede #4: Verstand/denke

Maria is stadig om Jesus te herken, want Hy lyk anders. Maar sy verstaan iets van verandering, want sy is self deur Jesus Christus se genade getransformeer. Ons moet ook oop denke hê – gelei deur die lig van die Skrif en die ware getuienis van die Heilige Gees. Dan sal ons Hom sien en hoor.

Ons kan baie uit Maria se mislukking en sukses leer. Laat ons Hom soek. Hy het immers belowe om elke dag by ons te wees tot aan die einde van die wêreld.

No people can be safe, when they have provoked God to leave them” – Matthew Henry

Ek het ‘n fout gemaak (1)

Dit is baie maklik om ‘n fout te maak. Op Opstandingsondag het Maria Magdalena ‘n ongelooflike ondervinding gehad. Sy was die eerste persoon om die opgestane Jesus te sien; sy was die eerste persoon wat aangewys is om aan ander persone die Goeie Nuus te vertel. Maar sy het eers ‘n fout gemaak – sy het nie vir Jesus herken nie.

Hoekom het sy nie aanvanklik vir Jesus herken nie? Hoekom het sy later vir Jesus gesien vir wie Hy werklik is? Kan sy ons help om ons sintuie op te skerp sodat ons meer bewus  word van die teenwoordigheid van die lewende Jesus? Twee vrae kom na vore:

• Hoekom het Maria Magdalena aanvanklik nie vir Jesus herken nie?
• Hoekom het Maria Magdalena later die opgestane Jesus herken net om deur Hom aangestel te word om sy oorwinning oor die dood aan die apostels en ander aan te kondig?

• Mislukking: Hoekom het Maria Magdalena aanvanklik nie vir Jesus herken nie?

Ons kan baie leer uit Maria se onvermoë om Jesus te herken. In Johannes 20:11 – 18 kry ons vier redes waarom sy Jesus nie herken het nie al staan Hy voor haar, al praat Hy met haar en al is Jesus op daardie oomblik al waaraan sy kan dink. Elke rede hou verband  met ‘n aspek van Maria se persoon – persoonlike aspekte wat ons almal met haar deel. Dit is aspekte van ons eie onvermoë om bewus te wees van Jesus se stem en teenwoordigheid.

Rede #1: Hart

Maria se hart is daarop gefokus om Jesus se lyk te kry. Sy soek beslis nie ‘n gesonde mens nie. Sy het pas in die graf ingekyk en gesien dat Jesus se lyk verdwyn het. Sy het self gesien hoe Josef van Arimatea en Nikodemus daardie Vrydag die lyk in die graf neergelê het. Nou is die lyk weg. Maria aanvaar dat iemand Jesus se lyk verskuif het. Daarom wil sy by die “vreemdeling” in die tuin weet of hy die lyk verwyder het en waar hy die lyk neergelê het. Sy bied selfs aan om die lyk weg te neem. Niks was vir haar op daardie oomblik belangriker as om Jesus te eer deur sy lyk te versorg nie. Daarom is sy tydelik blind om die opgestane Jesus wat  reg voor haar staan en met haar praat, te herken. Kan ons ook onbewus van sy stem en teenwoordigheid wees? Kan ons harte so gefokus wees op die stories van Jesus dat ons blind en doof is vir sy teenwoordigheid by ons nou? Kan Christelike tradisies ons aandag van die aktiewe en lewende bediening van die opgestane Jesus om ons aflei? Dit is steeds ‘n probleem vir Christene vandag.

Rede #2: Liggaam

Maria huil – sy huil toe sy buite die graf staan en toe sy in die leë graf kyk. Sy was baie hartseer. Sy was immers teenwoordig toe Hy aan die kruis gesterf het. Nou neem haar hartseer toe, want sy glo iemand het Jesus se lyk ontheilig. Haar oë was vol trane; sy kon nie ordentlik sien nie. Hartseer het haar hele denkproses ontwrig. Sy kon nie helder sien of hoor of dink nie. Gebeur dit nie ook met ons nie? Ons skuldgevoelens kan ons sien, hoor en dink verwring. Ons oordeel onsself en oorkompliseer ons persepsies van God se genade. Ons is bang vir sy oordeel en ignoreer sy oorvloedige goedheid en vergifnis.

Rede #3: Gees

Maria se gees is afgelei deur haar gesprek met twee engele by die leë graf. Daarom fokus sy nie op haar onmiddellike omstandighede toe die opgestane Jesus met haar gepraat het nie. Maak afleidings nie ook vir ons blind vir Jesus se teenwoordigheid nie? Almal van ons se lewens is vol afleidings. Daarom is om op Hom en wat Hy besig is om te doen, te fokus dikwels ‘n uitdaging.

Rede #4: Verstand/denke

In Markus 16:12 lees ons dat Jesus anders gelyk het na sy opstanding. Jesus is bly, want sy verlossingswerk is afgehandel. Sy onlangse pyn en vreugde mag almal op sy gesig gewys het. Vir diegene wat nie in terme van hoop en verandering gedink het nie, was dit waarskynlik ‘n uitdaging om Hom te herken. Ons persepsies van Jesus se voorkoms kan ons steeds verwar. Jesus self het gesê dat Hy aan ons as die geringste sal verskyn. Kan ons visualiseer wat hierdie aanspraak alles behels?

Volgende keer gaan ons na die tweede vraag kyk: Hoekom het Maria Magdalena later die opgestane Jesus herken net om deur Hom aangestel te word om sy oorwinning oor die dood aan die apostels en ander aan te kondig?

Die Evangelie van Maria Magdalena

Een van die bekendste Nuwe-Testamentiese apokriewe is Die Evangelie van Maria (Magdalena). Dit is nie regtig deur Maria Magdalena geskryf nie en het eers in die tweede eeu na Christus ontstaan.

Sommige van die gedagtes in hierdie Evangelie verskil heelwat van dit wat ‘n mens in die Nuwe Testament kry. Daar is byvoorbeeld groot klem in Die Evangelie van Maria op kennis.

7^10-20Petrus het vir die Verlosser gesê: “U het vir ons alles verduidelik. Sê daarom ook vir ons nog een ding: Wat is die sonde van die wêreld?” Die Verlosser het geantwoord: “Daar is nie sonde nie, maar dit is julle wat sonde veroorsaak wanneer julle dinge doen wat owerspel is – owerspel wat sonde genoem word. Dit is hoekom die Goeie na julle toe gekom het. Hy het gekom om die natuur van alles wat bestaan tot hulle oorsprong te herstel.”

7²⁰-8¹¹Die Verlosser het verder gesê: “Dit is hoekom julle siek word en doodgaan, want julle hou van die dinge wat julle bedrieg. Wie verstaan, moet verstaan! Materie het ‘n lyding tot stand gebring wat geen gelyke het nie; dit het voortgekom uit iets wat teen die natuur is. Sedertdien is daar versteuring in die hele liggaam. Dit is hoekom Ek gesê het ‘Hou goeie moed!’ En as julle moedeloos is, moet julle moed skep en sterk wees in die lig van die verskillende vorme waarin dinge bestaan. Wie ore het, moet luister!”

Skrywer: Prof Francois Tolmie