Woorde uit die Bybel – Middelaar (3)

“Trouble and perplexity drive us to prayer, and prayer driveth away trouble and perplexity” – Philip Melanchthon

Woorde uit die Bybel – Middelaar (3)

When I use a word it means just what I choose it to mean – neither more nor less – Humpty Dumpty aan Alice in Lewis Carroll se Alice in Wonderland.

Woorde, ook woorde in die Bybel, het ‘n spesifieke betekenis. Vir mense sonder teologiese opleiding is dit dikwels moeilik om die volle betekenis van woorde te verstaan.

J. I. Packer het ‘n boek geskryf wat ons kan help: 18 Words: The Most Important Words You Will Ever Know. Ons gaan kyk na enkele van hierdie woorde. [Teksgedeeltes kom uit Die Boodskap.]

Hoe doen Jesus Christus sy werk as Middelaar? Deur sy drievoudige amp van Koning, Priester en Profeet.

• Koning

 Almal in Israel moet vandag een ding besef: hierdie Jesus wat julle aan die kruis vasgespyker het, is nou deur God as die Here en die Messias aangestel. Hy heers nou oor almal in die hemel en op die aarde. Net Hy kan ons red (Handelinge 2:36). Jesus het gekom om God se koninkryk op aarde te vestig. Hierdie koninkryk is universeel en allesomvattend: Jesus het nader gestaan: “God het aan My al die mag gegee wat daar is. Niemand is magtiger as Ek nie” (Matteus 28:18). Jesus Christus  is Koning, want Hy het absolute beheer oor alles.

• Priester

Jesus, wat die pad na God vir ons oopmaak, is klaar daar ter wille van ons. Hy is mos ons Hoëpriester op dieselfde manier wat Melgisedek ‘n priester was (Hebreërs 6:20). Hebreërs 7 tot 10 brei op die volmaaktheid en finaliteit van Jesus se priesterskap uit. Jesus Christus se offer bring eens en vir altyd versoening van sonde. Nog meer: Hy tree voortdurend vir die mens by God in: Juis daarom kan Hy ons saak by God regmaak wanneer ons deur Hom na God gaan. Hy sal altyd daar wees om ons saak by God te stel, want Hy leef vir altyd (Hebreërs 7:25).

• Profeet

In Hebreërs 1:1 – 2 lees ons dat God in die verlede spesiale boodskappers (= sy profete) gestuur het om met sy mense te praat. Nou het dinge verander: Maar die tyd is nou ryp dat God sy mense weer naby aan Hom wil bring. Daarom het Hy met ons kom praat deur sy Seun, aan wie God alles gegee het. Deur hierdie Seun het God alles gemaak wat bestaan. Jesus Christus is nou ons spesiale Boodskapper – ons Profeet. God praat nou deur Hom.

Jesus, my Shepherd, Husband, Friend,

My Prophet, Priest and King,

My Lord, my Life, my Way, my End,

Accept the praise I bring.

John Newton.

Volgende keer gaan ons na versoening kyk.